ابعد بجرحك
الدموع اللي انت دايما تبكي بيها
والآلام التي انت دايما بتقاسيها
كل دي جات من عمايلك
والنهارده بتحاسبني ليه عليها
من زمان كانوا الأحبة يباركوا لينا
وياما قالوا ان الهوى مضلل علينا
حتى قالوا ان القدر كان بيساعدنا
لما شافوا ان الفرح ساكن عنينا
والعواذل قالوا عنك مش قليل
بس كنت باصدهم بكلام جميل
لكن انت سمعتهم ومشيت وراهم
والنتيجة خدوك طريق مالهوش دليل
ياما قالوا عني وانت بتهاودهم
قبله كنت اسألني واعرف ايه مرادهم
أو تحكم قلبك انت والليالي
اللي عشت أيام كتيرة في نورغرامهم
وناديت لهم بس الغضب ساكن عيوني
قولت ياناس يابشر مالكم سيبوني
هوه عندي أغلى من عمري وحياتي
ريحوني وابعدوا يالا ارحموني
ومشيت ادور ع الأحبة ينجدوني
يمكن بكلمة من كلامهم ينصفوني
وجم قالولك ليه بتسمع للعواذل
قولت دول مابيكدبوش دا بينصحوني
واما شفت ان الهوى ضاع من ايديك
قولت اسيبك للزمان هوه يداويك
وسمعت ضحكة م العواذل آه يانارها
وعرفت بعد الضحكة كانوا بيخدعوك
جيت بتبكي بالدموع وعايزني اسامحك
جيت بتشكي من الآلام وعايزني اصالحك
جيت في وقت من الزمان حرَّمت احبك
واللي عندي اني اقول ابعد بجرحك
جيت بتسألني وليه عن ذكرياتي
بعد حبي اللي شطبته من حياتي
بعد ماقمت ودفنت القلب الاخضر
مستحيل اني اسلم لك رفاتي