ابعد عني هواك وارحمني
انا مش حمل فراق من تاني
قلبي الطيب مابقاش طيب
وانا دلوقتي حزين وبعاني
ابعد عني.. روح ريحني
انا واليأس بقينا اصحاب
نفسي ف عالم واكون وحدي
عالم فاضي مافيش احباب
روح حتلاقي حد يحبك
حد تحبه صحيح من قلبك
وان مقدرتش ابعد عني
وانسى هوايا واهرب مني
او تستنى عليا شويه
يمكن اداوي القلب وجرحه
انا دلوقتي لا يمكن آآمن
مهما ان كان الحب وفرحه
بعد شويه يمكن أنسى
أو يغلبني هواك واحبك
بعد شويه يمكن أسلى
ويريحني وجودي بقربك
والقى دوايا ف حبك ليا
والقى الفرح معاك ياعنيا
ده لو كان للحب اراده
اما ان كان حبك دا سحابه
فابعد عني هواك وارحمني
انا مش حمل فراق من تاني
قلبي الطيب مابقاش طيب
وانا دلوقتي حزين وبعاني