اتغيرت كل القلوب
واتقفلت كل الدروب
والدمع سايل ع الخدود
يشتكي حظي أنا
والليل بيستر ع الخلايق
الغافي منهم واللي فايق
بس صوت جرح القلوب
يصرخ يجلجل ف الفضا
باشكي وأنا مهموم
عايش حزين مظلوم
طلُّوا عليا بغدرهم
وسقوني من كأس الضنا
عايش لوحدي غريب
ولا حد جنبي قريب
اشكيله واشرح قصتي
الا الليالي المظلمة
عايش أسير اليأس
ملفوف بليل الهمس
ولاحد يسمع صرختي
الا النجوم وسط السما
سكت الكلام ف الحب
والحزن غطى القلب
مافضلش غير اني اقول
وداع ياأحلى المنى