طهقتيني ف عيشتي ياستي
روحي وغوري اصل انا مخنوق
ليه دلوقتي مسودة عيشتتي
ودايمن عايش كده مزنوق
داهيه كبيرة تيجي تلمك
وتريحيني ماشوفك تاني
عيشة تجن الجن بعملك
عقلي أهو ضاع مش راضي يفوق
كل مصيبة بتيجي تقولي
طول بالك هدي وروق
كل مصايبك جابت آخري
وكل كلامك سم وادوق
لو مش خايف م اللي خالقني
كنت اولع فيكي بجاز
وابقى أطفي ببنزين صافي
اصل انا قلبي كمان محروق
عقلك ليه بقى عقل فاصوليا
ولسانك أصبح ملووووق
من كتر ماكنتي وبتقوولي
ان روحتي تماللي للسووووق
جايبة ف سيرة الناس طوالي
وعاملالي نشرة أخبار
لتاته وعجانه ياشيخة
ياما قلتي وضيعتي حقوق