ناس حوالينا من نواحينا
كانوا الأول جوه عنينا
وبنرتاح لكلامنا معاهم
بس خسارة جاروا علينا
من غير حاجه حسوا بغيرة
قالوا وعادوا وخلوها سيرة
لما سألنا كل ده ليه
كدبوا علينا كدبه كبيرة
قالوا علينا انتم حبايبنا
وأول حب وقع في قلوبنا
وازاي نقدر نيجي عليكم
وانتوا الفرح اللي بيسعدنا
دول عارفين الحب منين
هيه قلوبهم عارفه تحب
ولايوم حست بالأشواق
ولا يوم داقت طعم الحب
آه يازمانَّا م اللي باعونا
وياريت سكتوا حتى هانونا
مش عارفين ان احنا حنقدر
نمحى وجود كل اللي خانونا
على رأي شاعر
عايش بالهوى حساس
دول خلق فاضيه
في الدنيا وبتنداس
بكره الزمن حيخلَّص
ويدوقوا مر الكاس
ولا يوم يشوفوا هنا
أصل الزمن كناس