ضيعتني بهجرها
واما جت كلمتها
وحاولت تاني أردها
لكن خلاص
حبت ودارت حبها
نسيت ودادي
وياما كنت بودها
نسيت وفائي
والوفا كله لها
ضيعتني بغدرها
وانا بغباوتي
للديابة سيبتها
رقت وحنت
للي فطباعهم ذلها
باعت وهدت
خانت ونسيت عهدها
نسيت بأني
ياما قلت ف حبها
سلمت قلبي لأمرها
واما نسيت
وقولت اسيبها لطبعها
من جلسه اولى
قالت خلاص
روح لغيري وحبها
أما انا ايوه انا
لقيت طريقي ودنيتي
وانت ياعاشق
عمرك ماكنت بقسمتي
أيام وعدت وانتهت
انت مكانك دنيتك
وانا مكاني في جنتي
ولما قالت وانتهت
في ثانية واحدة اختفت
مشيت وحتى ماسلمت
ولا كلمة واحدة اتكلمت
خلعت من قلبي الآهات
والعن واسب الذكريات
واقول حرام العمر عدى
واقول خلاص العمر فات
حرمت احب واعشق وأغير
مدام مصيري نفس المصير
وأنا قلبي ياما جنيت عليه
مع ناس تبيع حتى الضمير
ح اعيش واكتب أجمل الأشعار
للحب لأه... الحب كله مرار
وآخد كلامي في حضني
واطوي في الاسفار
ح اطوف بحور وبحور
واسبح مع الأنهار
واحفظ حياتي ونفسي
من قبل ماتنهار