لما لمحت بعيني خيالك
رد ف روحي حنانها اليك
ولقيت نفسي بسر جمالك
تنسى جراح جرحتها إيديك
ونسيت هجرك واللي عملته
لما لمحت الشوق في عنيك
فاكر آخر مرة قابلتك
شفت كلامك فيه تغيير
شفت عيونك تهرب مني
شفت دا كله بدون تفسير
واما سألتك ليه اتغيرت
ومشيت حتى انت ماعبّرت
شفت الدمعة بتجري ف عيني
م الأحزان وانت ماقدرت
تاني لمحتك جاي عليا
قلت أكيد بيفكر فيا
شفت عيونك تهرب مني
قلت ياويلي ايه جرى ليا
ليه خلاني وسابني حزين
ليه بكاني بدمع العين
دقة قلبه ماتعرف قسوة
قسوة قلبه دي جاية منين
عشت باكلم روحي ونفسي
وانا مسكين بين أملي ويأسي
شفت النور بيطل عليا
شفته ف يومي وصبحي وأمسي
جيتني وقولت دا غصبن عني
أرجوك انسى وقرب مني
واعى تلومني ع اللي عملته
عايز اعيش فرحان متهني
قلت دا روحي نِسيت هجرك
وازاي نفسي تعيش من بعدك
دانت حياتي وعمري وروحي
خللي الروح تتهنى بقربك