في طريق الحب
انا وانتي مشينا
الأمان جوه ف قلوبنا
والحنان يملا ايدينا
والقمر سهران معانا
والنجوم شاركت لقانا
والليالي الحلوه جاية
من بعيد تنده علينا
اتقابلنا من غير ميعاد
واتلاقينا واحنا بعاد
بيني وبينك المسافة
بيني وبينك البلاد
والسعاده اللي باشوفها
بالتقيها من كلامك
فوق الحروف بين السطور
هيه عنواني ف جوابك
اما حبي..حب تاني
مهما قلت مايتوصفش
وانتي جنبي باحس اني
في دنيا تانيه ماتتعرفش
دنيا مليانه اشتياق
دنيا ينساها الفراق
دنيتي من غيرك انتي
شكل تاني مايتقبلش
مهما قلت كتير عليكي
انتي حب الدنيا كله
وانتي روحي ونور عيوني
وانتي قلبي وانتي ظله
ياما شوفت كتير معاكي
من هنا وايام جميلة
كل يوم في عينيا أحلى
وكل ليلة بالف ليلة
كل ليلة باكون معاكي
كل لحظة بعيش حياتي
دي السعاده منك انتي
مش بغيرك ياحياتي
قلبي حَسِّك يوم ماشافك
يومها دق الحب بابي
والعيون قالت تعالي
والامل للقلب جابك
اما حبي حب تاني
مهما قلت مايتوصفش
وانتي جنبي بحس اني
في دنيا تانيه ماتتعرفش
دنيا مليانه اشتياق
دنيا ينساها الفراق
دنيتي من غيرك انتي
شكل تاني مايتقبلش