يا جرح لك في داخل الصدر صولات
طولت يا جرح العنا ما تعافيت
مرت سنين عجف في صمت وسكات
عايش معي مهما اتبصر وسويت
لك الله ان الطرف يا جرح ما بات
من يوم خلخلت النحايف وحليت
اسهر ليال الناس في هم وآهات
وأغفي ثواني لشرق النور واضحيت
يا جرح وكفوف الليالي بخيلات
ياما عطيت اغلى العطايا ومديت
وياما ابشروا سليتها في نحر هات
وبركت لحمول لغيري وزميت
وياما دمحت من الخطأ والسفاهات
وعدلت عوجاء حي يا حشمة الميت
والحين يا جرحٍ خذاني مسافات
بطيب يوم اني عن الناس صديت
عمر مضى من سابع المستحيلات
ترجع تفاصيله بصدري ديناميت
الموعد القمة وومض النجاحات
خبري بنفسي عز لا من هميت
برقى عن وهاد السهول الطويلات
وأخذ القضاء من عارضي لترخويت