الحب لو عشناه من قبل مسنون
أنته وأنا نمشي على درب من فات
أدري شعور الحب مغري وملعون
في قلوبنا خلي قلوب البنيات
لكن في يوم من العمر بيكون
الم ودمع عيون وفراق وآهات
لذلك احفظ غالي العمر لا يهون
لا يخدع عيونك بريق البدايات
إذا أنت ما تقدر معي تقنع الكون
وتشرب معي كاس الحزن والمسرات
أرجوك تتركني وشاكر وممنون
الحب يبغى تضحية والتزامات
مادام حبك وقت فالوقت مرهون
بيدين بياع الوهم والملذات
أكره أغادر ساحة الحب مطعون
واسمع عزا قلبي يردد سلامات
عشان ما استشهد مثل ما يقولون
تجدني أفضل مجال الصداقات
ولا قلت لي قبل ابتدئ كيف أبا أكون
للوَحت لتلى الطريق النهايات
وشلون واعذرني اليا قلت وشلون
فيه أسئلة في البال تبغى إجابات
أنا بشر حتى لو أصبحت مفتون
عقلي يقف عند ازدحام السوالات
أخاف أكون اليا انتهى الدرب مجنون
وإلا ضحية من ضحايا الحيالات
أو ينتهي بي درب الأحباب مسجون
ما بين جرح الروح والحزن في الذات
وش قيمتك والجرح فالقلب مدفون
وتعيش في وحده وناسك جماعات
اتعيش ما يبقى من العمر مغبون
وتدخل بحزنك في دروب المتاهات
كم اندثر رجال من سبَة عيون
وكم خلفن قتلى رموش الجميلات