ليت عمري قبل ماشوفك قصر
ليتني.. ماشفت طيفك.. لو خيال
هام بي.. حظي وتقدير القدر؟؟
وفْودادك صرت مأسور الرحال
آه.. من دنيا.. ونكران البشر
دنيةٍ.. فيها خلاصي مَ المحال
شكوتي من ذل.. وأيام السهر
ما خلق.. وقتٍ يراويني.. الدلال
عيشتي صارت على بيت الشعر
أكتب أحروفه.. وتناغيم.. المثال
أرتجي وصاله من أيام الصغر
وفْ حشايه صرت مرهون الوصال
ما خلق ربي من أمثاله بشر
كاملٍ.. بالحسن ولله الكمال
مستحيل أنساه لو حالي خطر
ولو على موتي ترى أنت المنال
يا ملا.. مالي على حكمي بصر
والعمر مجهول وأيامي تسال
اكتبوا شعري على صفحة صخر
وجعلوا رملٍ على قبري يهال