لا تنادي كل ما فيني يروح
اشتكي وبكي ونادي للعذاب
وش بقى فيني وانا كلي جروح
من ليالي الأمس مليت العتاب
صاحبي ما نابني شيل السفوح
غير هم القلب يا زود اغتراب
لو على ذمي أبي منك النزوح
وان نساك الهم عانقت الصواب
شتري جرحي من اطراف السروح
دام بعت النور من بين السحاب
ملني يا صاحبي حتى الطموح
ليتني بعت الحكي قبل الجواب
ليتني ما قلت يا نزف القروح
صابني ما صابني ألهث عذاب
قلت ذاك الماي من بعد الوضوح
والسراب يباعد أطراف السراب
تسلم أسيوفك وأنا كلي جروح
ورافعٍ إيدي عن اطراف الحراب