يا بو خالد جدد بقلبي جروح

يا بو خالد جدد بقلبي جروح

شوق ادمالي قديمات الجراح

لِكْ يا بو خالد معاناتي ببوح

يا سنادي خف عذلك والمزاح

لا تحاول خذني الْشَّوْق الجموح

داهم الخفاق وأنوى لجْتياح

السفر واجب ولَهْ لازم نروح

واجب نوفّي حقوقه بارتياح

بس همّي يا الخوي عيّا يروح

لَيْ ذكرته وليفي سيد الملاح

شاح بِيْ ظرفي عَنْ المزيون شوح

ليتني ويّاه فِيْ صبح ورواح

قايد أريامٍ عَلَى ذيك السفوح

يا بو خالد والنحر نور الصباح

ما حلا المرواح فِيْ برْ وسيوح

والغضي يضفي لصدري لنشراح

وسط جوٍ ممطرٍ برقه يلوح

مثْل نور خدود لي زها الوشاح

والشذا مَعْ نسمة النادي يفوح

يبسط الخاطر وتكسيه الفراح