يَا دبي يَا بنت البَحَرْ والقصايد
يَا شَامِخَهْ وقفت عَلَى السَاحل ابراج
كَنّ النجوم بصدر ليلك قلايد
كَنّ القمر متعلق بهامتك تاج
الموج يهدر بالقوافي الفرايد
يَوْم انتثر شعر الدجى والدجى داج
لِكْ مجد ماضي ومجد حاضر وعايد
ولِكْ مجد تحكيه المراكب للامواج
ياما حكت بانجاز أهلك جرايد
وياما لجالك مِنْ عنا الوَقْت محتاج
يَا موفقه بذراع قايد لقايد
الكِلّ أنور لِكْ مِنْ عِيُوْنه سراج
فِيْك الحضاره والفخر والعوايد
يَا عاليه والعاليه مَا لِهَا ادراج
نالوك صلبين الرجال الشدايد
اللّي لهم بدبي للعز منهاج
يا ماخذه فَيْ الحِسِنْ الاوحد شهايد
سلام يَا نُوْرٍ عَلَى الشَّرْق وهّاج
يحفظك رَبِّيْ مِنْ سموم المكايد
يحميك مِنْ خلقه عَلَى البيت حجّاج