روحي معاك الله تردين في خير

رُوحي معاك الله تردّين فِيْ خَيْر

يَا خَيْر مِنْ سَافر ويا خَيْر مِنْ عَادْ

عَنْ كِلّ شخصٍ ودَّعك خاطري غَيْر

كِنّي مَعْك ودّعْت بفراقك بلاد

لكِنْ لْمِنْ هُوْ يَا سحَاب التباشير

كفَّك تركني بَيْن صادر ووراد

اصدِّر هموم قديمات تصدير

فِيْ غيبتك واستورد همومٍ جِدَادْ

وجُوْدك يسفِّر عَنِّيْ الهَمْ تَسْفِير

كَمْ همْ لعْيُونك ختمنا لِهْ ابعاد

يَالغالية واعْلَى مِنْ النجم تقدير

غلاك مَا تحسبه بالعَدّ الاعْدَادْ

أحتاج إنْ غبتي عَنْ العَيْن تفسير

وِشْ هُوْ يخَلِّي الجُوْ مظلم وجلَّاد

ما ادري يشب الجُوْ رُوحي تِسَاعِير

والا مصادر حرّها قَلْب وقَّاد

وانضح مِنْ الشيمه وفا دون تقْصير

واتبع جلالة شيمتي غصب وانقاد

يالله عسى تردِّين فِيْ نعمه وخَيرْ

يَا خَيْر مِنْ سَافر ويَا خَيْر مِنْ عَاد