ليلي يَا ليلي سرَا ليلي سرَا ليلي سرَا
سَارِيٍ ليلي وانَا بفكري لمحبوبي أسِير
قاصدٍ رمشٍ بشلاته خطيرٍ مخطرا
وانْ نِظَرْ بالعَيْن يَا عيني عَلَي قَلْبي خطير
شوق قلبي شلني صوبه إذَا منه طرا
واتوجد يَا وجودي وجد مِنْ قَلْبٍ كسير
الدماني لَيْ خذاني منه أنَا جسمي انبرا
مِنْ جماله للمشاعر ولأحاسيسي يثير
فز ذاير فز كنه عَنْ شعوري مَا درا
وهو يدري انْه لقَلْبي وأيَامي أمير
غار لَوْن الورد مِنْ لونه وخَدّ معطرا
والقمر مِنْ لَوْن خَدْه وابتساماته يغير
خذ نصيبه مِنْ ظلام اللّيل شعر اتحدرا
مِثْل شلال إنحدر مَا بلّل العُوْد النظير
لَيْت وقتي يغمد سيوف البعْد مَا يشهرا
ولَيْت ظرفي مَا يعاندني وعَلَى الرغبه يِسِيْر