خَلِّكْ مَعِيْ يَا مهدي الجَوّ لونين
فعلاً جمالك نادرٍ عَنْ جداره
لِكْ فِيْ خفوق العَيْن والرا مَعْ الشين
يَا نبض قَلْبي ورغبته واختياره
خدّك عَلَيْه الشين والميم والسين
ومشربٍ مِنْها بلون احمراره
وخدّي عَلَيه الدال والميم والعَيْن
شوق اجتياحه شب حَرّاق ناره
قَدْ صاب روحي مِنْ ورى الميم لامين
عقبك وعاصوف الوله شن غاره
أخذت مِنْ دربين يَا زين حرفين
أوّل وثاني مِنْ بحور الغزاره
لِكْ ميم لام وكاف بَيْن الشرايين
تامر وأنَا لِكْ طوع تحت الاماره
اسمك غلا واسمك هلا واسمك اسمين
منقوش فِيْ قَلْبي كنقش الحجاره