يَا بوظبي سيري عَلَى عِزِّكْ سِنِيْن
خَلِّكْ لِمِن يبغاه دربك يدلّه
هيمن ظلالك فِيْ جميع الميادين
اليا مسكتي طارفه جاك جلّه
شيخٍ وقف فِيْ ساحلك ساهر العَيْن
وناموا حلاحيل المراجل بظلّه
يَا مسافره بقلوب كِلّ المحبين
يَا ثابته شروى البحر فِيْ محلّه
يَا معطيه للّي يزورك براهين
انِّكْ خليل لِمِنْ غدر فيه خلّه
وإنك كفيل لِمِنْ مسك جفنه الدين
إنِّكْ براد لِمِنْ شِكَا حرّ ملّه
بشيوخك اللّي للمواطن عزيزين
منهم سطت فِيْ لحية الخصم ذلّه
الكِلّ منهم لَى لطم قاسي ايلين
وإذَا وقف للمستحيل استحلّه
الهم ثلاث اثلاث صيت السلاطين
يعني لهم صيت السلاطين كِلِّهْ
يحفظك مِنْ علّق نجومه عناوين
مِنْ هيبة امره مَا تطيح الأهلّه