أعلنت زهدي في الدنيا وما فيها
الآخرة خير للمسلم من الأولى
أعمارنا لو تطول الموت تاليها
لا جا القدر مالنا قوه ولا حولا
وذنوبنا الله يغفرها ويمحيها
للي فواده بذكر الله مشغولا
واللي يجاهد بنفسه عن معاصيها
ويحسب ليومٍ عسير وهوله الهولا
واللي يصلي فروضه ما يخليها
وقلبه عن المعصية والشر مقفولا
ويعرض عن السيئة ما ينغمس فيها
ويتوب توبه نصوح يصير مقبولا
دنياك ما ينفعَك ما تجمعه فيها
في يوم تصبح على الأكتاف محمولا
أموالك اللي تجمعها تخليها
ما يتبعَك غير ما قدمت للمولى
وتصبح ارثٍ لغيرك ينتفع فيها
ويقضيَ الله أمرًا كان مفعولا
العاقل اللي جماح النفس يثنيها
ويعرف أن السعي للأخرة أولى