ألا يا موت أنا طالبك رِفْقك عند نزع الروح
ترى بالروح روح تْغار من روحي على روحي
ترى في داخلي قلبٍ من أسباب الغلا مجروح
تروح الروح مني والخفوق يروح مجروحي
وأنا والله لو بخفي غرامه بالصدر مفضوح
اكنّه في الخفوق وينعكس في العين مفضوحي
غرامٍ قصته سطّرْتها بكتابه المفتوح
ولا زالت كتابٍ في شغاف القلب مشروحي
ألا ليته يسامحني وهو ما جا منه مسموح
على حسن النوايا نفترق والكل مسموحي
مقدّر والمقدّر قبل نُخْلق منكتب في اللوح
ولا يغني من المكتوب لا صمتي ولا بوحي