عزاي إني على حيل الله ولو أن السنين ثقال
أجاهد صبري بعزمي على رجوى أمان الله
ألا يا عزي لقلبٍ يأس من رحمة الجبار
ونسى له هبوب قد هبت هبايبها قدر الله!
دله ب الهم والغمّات سجى بالهاجس الغدّار
تذاهل عن حنان الله وتهاون في جلال الله!
صحيح أني فتىً جامح وأحلم لي حلوم كبار
معاسيرٍ كباريه ماهي كبارٍ على الله
من يأمن لأمكاره ومكره قد يهد جبال؟
ومن يخشى من الدنيا ليا قالوا بحفظ الله؟
ومن يأسى على أمرٍ ولّى بحكمة القهّار؟
ومن يزمل من الأيام إذا كانت بصون الله؟
ومن يحزن على فرصة جرت في أمرها الأقدار؟
عدا من هام في خلقه ونسى يتعلق بالله
تهد عزوم بالإنسان ويشيّدها رمام عمار
من يكفل كسور الخلق بعد الهدم غير الله؟
وتخطي النفس في حقه ويقبلنا بدون أعذار
ما يتولى تفتيت المصايب غير جاه الله!
تشبّ هموم في جوفي تشابه مشعلات النار
وما يطفيها غير السعد ليا امطرني من الله
ومن غيره هو الرحمن والنصار والغفار؟
ووش هي قيمة أشعاري إذا ما نسجتها ب الله؟
أحب الله وأنا المسكين اللي معضلاته كثار
أحب الدين والإسلام وفي قلبي أحب الله
عساني امتلك قلبٍ رضيّ وب البلاء صبار
واتأرجح وأنا أجاهد برغباتي لأجل الله
وأنا لي رب من جوده نصب لي بالدجى أنوار
وشعاعٍ يضوي بعيني وبريقٍ من عطايا الله
أشيل الحمل فوق الحمل عهدنا شيلة الأحمال
وازعل لا غدا حلمي وغدواته بأمر الله
وحسبي مع كثر جهدي أجورٍ بالدهور طوال
وعسى ما غاب من شمسي يخلفها كرم الله