يالله ياللي تجبر كسور القلوب
ويامن تسوق الرزق لأسراب القطا
وتحوم في صدر السما قبل الغروب
وترجع بطان نفوس من جزل العطا
وتهدي حيار الدرب في غرّ النصوب
وتدمح خطايا العبد لامنه خطا
يا الله تشملنا بغفران الذنوب
وتغفر لمن موته على قلبي سطا
فقد الحبيب اللي غدا مثل الهبوب
كم تهت من بعده على صح وخطا
ياكم تفدّاني وأنا كلي عيوب
وياكم شرى مرضاي لا صرت سخطا
من وحشة الأموات شنيّت الحروب
ولي تسبد من فقده فجيعة وحبطا
ياكم غدا منفاي، منصى للهروب
وياكم رتق لي ثوب ولحاف وغطا
وياكم بكفّه حاطني شرق وجنوب
ولا طحت رقّاني من ربوع الوطا
كم جمرةٍ يمه وسط قلبي تذوب
لا سرت في دربك وحثّيت الخطا
لا قلت لا تاتين، عن قولي اتوب
وكفوفي من الفقد بالهمّ ربطا
يمه يشب الموت في جوفي لهوب
عن مدهل الغيمات عجّلت المطا
ياكود بك تمشين في خضر الدروب
واكفخ بجنحاني على غصنك حطا
انوب عن لقياك واشفق له وانوب
يا خير من شفته على البيدا وطا