أنا اللي وهبت كل حياتي
للمحروم
وللحيران
وللتايه ف. دنيا بتطحن الإنسان
ولا اتشكيت
برغم ما فيا من أحزان
فمين يزرع أمل فيا؟
ومين يبدر ف. قلبي أمان؟
ومين من غدر دنيانا
ياخدني بين دراعاته
أعيش في جنة الأحضان؟
صحيح العهد أنا خدته
وربي وحده يجزيني
وفي الفردوس يسكني
ويأويني
في قصر كبير
بمليون قصر ف. الدنيا
صحيح والله دي رسالتي
ببلغها لكل المجروحين واصبر
على المكتوب
وعارف ربي رب قلوب
لكن برضو أنا إنسان
وعايش دنيتي وحدي
ومادد للي يحتاجني أنا يدي
وبلقى في العطاء سعدي
لكن جوايا أمنيات
وأحلامي تفوق حدي
وفي ليلي تصحيني
وتسألني وأنا يائس
وكل الخلق مش حاسس
بكل اللي جرى ليا
فمين يزرع أمل فيا
وياخدني على جناح الهوا
ويطير
وما ارجعشي
لدنيا صعبه ناكراني
وسايباني أهيم فيها
بدون عنوان