اليوم يومي والسنين سنيني
ما احد يعوّض حزني وغربالي
ان كان مالك فالسهر ياعيني
لا تشتكين وتندبين ب حالي
انا كبرت وكل مايعنيني
ارضي ضميري وإيتريّح بالي
وانا بذلت اللي حونْه ايديني
والحظ يبذل في سبيل اذلالي
صار الحزن من كثر ماهو فيني
الضيق عمّي والجروح عيالي
كل ما انولد لي جرح قال اخذيني
يكبر.. وتصغر فالحياه آمالي
سددت ديني وان تكاثر ديني
برّرت قولي عن طريق افعالي
مسحوب والا يالهجوس هجيني
الطرق طرقي والعنا موّالي