سامحيني.. يالاحاسيس وتعالي
بطرح اعذاري.. على كفّك.. واروح
ما عرفت.. من الحياه.. وما بقالي
كود جرحٍ.. من ورى ضلعي.. ينوح
الليالي.. آه ياسود الليالي
من عنايا.. غاب عني كل ضوح
اسهرتني.. والسهر فوق احتمالي
وانكسر غصن الأماني والطموح
لو سألت الليل.. ما جاوب سؤالي!
ولا عتق نفسٍ بها الضيقة تفوح
يا عذابي... كيف أنا يرتاح بالي؟!
.سامح الله.. كل نبض.. وكل بوح
لاغدى نظم القصايد راس مالي
ويش اسوّي.. بالمواجع والجروح؟!!