اغيب وابقى في صدور القصايد
لاني ربيبة فكر واسلوب واحساس
ما اقول غير اجزل من اجزل فرايد
والا على شعر النبط شفت الافلاس
ربيت في سلم الجدود وعوايد
مأصله فيني على طول الارماس
ماينكر الماضي وسيع البنايد
اللي عليه تقوم وتصدق الناس
والهم لو انه على القلب زايد
يكفيه لاقالوا عوافي ولا باس
ياما دفنا من جروح ونكايد
من دونها اضلاع الصدر دوم حراس
مانطلب الحاجه ولا ايا فوايد
مدام عز نفوسنا يقند الراس
حياتنا تمضي في غل وشدايد
احيان مانقدر على جر الانفاس
وباكر تلف اجسادنا فاللحايد
ونروح ماكنا على الارض جلاس