ملكت خفّاقي وغيّرت الاحساس
وخليتني لانفاس قلبك حبيسه
احيان احس انك على الجرح عساس
تسبر خوافيه وبيدينك تقيسه
ماجيتك الا لانك اغلى من الناس
ولانّي قبل شوفتك جدا تعيسه
اخذتني من غبّة الهم والياس
وجنّبتني راع النوايا الخسيسه
اللي يتحرّى طيحتي صبح وادماس
كني صرفت العز من حرّ كيسه
انا سليلة مجد من ظهر قرناس
ما احط نفسي للثعالب فريسه
اشوم باخلاقي ولا اذل هالراس
واهل المساجد ماتزور الكنيسه
مصيونةٍ ماهزها هرج هلاّس
والادميّ اخاطبه من جليسه
اعوذ بالله كل وسواس خناس
والقاف واحد والمعاني نفيسه
لك انت ياصادق ياطيّب يا حساس
ياسيّد القلب المعنّى ورئيسه
اخذتني من غبة الهم والياس
وخليتني لاشواق قلبك حبيسه