ماعاد يمديك يابن الناس
فاتك قطاري وعدّيته!
انته أناني مافيك احساس
نصاك قلبي وخلّيته!
وانا تراني قوية باس
اللي نساني تناسيته!
ماعاش منهو يذل الراس
راسي عن الذل عزّيته!
ياعين ياللي غشاتس نعاس
الحال والحيل هدّيته!
اكبر همومي على القرطاس
نظمت حرفي وغنّيته!
الشعر عندي صعَب ينقاس
صوّت لي القاف ولبّيته!
انا حفيدة عريب الساس
يكفيني الفخر لا أطريته!
خذها صريحه مابين اقواس
الحب ما اظن حسيته!!
خسارة الشعر والهوجاس
ليلٍ مع الوجد قضّيته!!