اشلون اجاري خافقي وإلتياعه
واللي زرعته ماحصدنه يديّا؟!
مسكين قلبي جاير الوقت راعه
ليته سمعني يوم اناديه هيّا!!
البارحه ماطرّق النوم ساعه
لين المؤذن قال للناس حيّ
ضايق ليّ الكون رغم اتساعه
جرحٍ عن سهوم العواذل خفيّا
سجدت اصلّي في خشوع وضراعه
واقرا من كتاب الولي ماتهيّا
ادعيه ربٍ لي يجيد استماعه
عساه يرحم قلب عبدٍ شقيّا
من جيت وهمومي خوات الرضاعه
بالصدر تسكنّي سنين وتفيّا
والسالفه ماهي بكبْر وشجاعه
السالفه فيني من الناس كيّا
باقاومه حرب الدهر واندلاعه
وألوي ذرااع الوقت بالصبر ليّا
يومي قوية باس شف وقناعه
ما تنزل دموعي على ادناة شيّا
شمت بسموّي عن دروب الخناعه
ويبقى سموي دام هالراس حيّا
وكان الحظوظ تجيد فن اللكاعه
فانا طموحي طال نجم الثريّا
نفسٍ توريك الجفا والقطاعه
وتشذب عراقيب المقفي كذيّا
اثر البشر فيهم جحود وبشاعه؟!
ودّي اصدّق لكن العقل عيّا!!
عيّا يصوّرهم كذا ياجماعه
صدمه ..وعقلي للأسف ما تهيّا!!