همّ الاوادم فالزمن عيش وايدام
افواه ماتدري وشنهي تفوّه
ياقلب لاتشره على مرّ الايام
وانته كذا من غير حيلٍ وقوّه
ابسط جناحينك ولو كلّك اقسام
واللي هوى المرقاب ينطح علوّه
هذا انت تشكي الجرح عامً ورى عام
وجوفك من النيران مات وتشوّه
كنّك سجين وصادر بحكمك اعدام
واللي بيديه العتق.. مابه مروّه
غيّر عناوينه وبدّل بالارقام
وانته تظن ماغير خوّته خوّه
واصبحت مع زود البهاذيل منضام
الجرح دامي والندامه عدوّه
وياشيب عيني كل ما اسج الاقدام
الدرب ضايع واسود الليل توّه
اقصر طوال الهرج مدام مدام
اللي هوى المرقاب ينطح علوّه
مافاد شعر ولادرت عنّك اقلام
ولا قالت الاقدار.. لوّه.. ولوّه!!