على كثر..عثرات..وجروح..الايّام
وعلى كثر..ماشلت..في قلبي..هموم..!
اضحك..واجاري الوقت..واقول قدّام
ماصابني..كلّه.. مقدّر.. ومقسوم..!
البارحه.. ليلي.. غدى كلّه.. اوهام
واليوم.. كلّي.. من ردى الحظ..مصدوم!!
عيّت..عيوني..تنام..والهم..مانام
واصبحت..مابين المشاريه..واللّوم..!
اكبر عزا..للجاش..لا صار..منضام
حرٍ..يشيل الهمّ..ويطير ويحوم..!
لا ضاق بي..صدري..تعلّى بي..وشام
وصدري..عن الضيقات.. كل ماله.. يشوم!
اشوف به..ضحك..وسواليف.. واحلام
واشوف به..واقع..تمنّيته يدوم..!
اقرب..لقلبي.. من معاليق..وانسام
واجمل..في عيني.. من تصاوير وحلوم..!
لبّيه..من راسه.. إلى حدّ..الاقدام
ماشفت مثله..فالرياجيل..زيزوم..!
وماهدّ حيلي..واكتواني..من اعوام
غير ان قلبي.. من غلا العمر..محروم..!
ابكي على ذكراه وتنوح الاقلام
له في قصيدي.. نبض.. واحساس مرسوم..!
ولو ان.. ذبح النفس.. جايز فالاسلام
والله ما ابقى..بعد موته..ولا يوم...!