يلوموني وانا اسمي مع الأيام مجنونه
يقولو ربنا يثبت علينا هالعقل والدين
وانا بإحساسي الغاوي غناوي حب ملحونه
لطيفة وطبعي الهادي سلاحن يمتلك حدين
جنون الشعر واقليبي محال ان صدقه ايخونه
كذوبن من وصف قلبي بأنه يعشق الاثنين
غرور النفس ما لي به وله ناسن يحبونه
ولا ني نرجسية طبع ولكن شيخة للزين
انا ماهمني قالوا ولا شلي يقولونه
ولا الطم ابد خدي ولا اضرب على الكفين
تركت الولوله الغيري جنوني ما يطولونه
واللي ما يطول الشهد يقول انه ردي وشين
عشان ايبرر اذلاله وضعفٍ تفضحه اعيونه
يشوه يفترييكذب يبالغ يمتعض ويهين
وهاذي حيلة المكسور وكل اللي يحدونه
حشود وآثرت الا تصدق كذبة الغاويين
جمال الود يربكهم بأفظع وصف يرمونه
وكل من زاد في جوره تغلغل في ثنايا الطين
يقولون الذي يَطمح،، عواذل ما يهمونه
يعدي عن نطاق الشمس ويردم حتى سور الصين
بإحساسي اصارعهم وانا ما عيش من دونه
وهذا انا امام الناس قوية شامخة للحين
يهزون الجبل يمكن وقلبي ما يهزونه
جذوره راسخه من قبل حتى يبدأ التكوين