عَلى أرضِج.. كويت العِز.. نَثرت الورد بأنواعه
أبي أوصف مدى شَوقي لموجِ الودِ والشِطآن
لِطيبٍ في زَمانِ الحب.. تِسَلل.. بينِ.. أضلاعه
يِناجي المَد يتراقَص..تَراتيل الهوى والدان
ويِسأل يا تَرى كَيفه؟؟ نَسيم العِشق.. وأوضاعَه
عَساه بخير.. ما مَرت..دروبه.. ضيقة الأحزان
أحبج.. والهوى بَحرين..تِقاسَم روحي الساعه
بَحر يرمي مِن الطيبه..مراسي شوقه الظميان
وبَحرٍ يَكتِم اشعوره.. قبل..لا يِِطلِق.. إشراعه
لِروحج يا بِلاد العِز.. خفوقي هايمن ولهان
عيونه ع الخَضار تحوم.. ومَجدن..دامِ صِناعَه
عَلى نَهج الوفا سَاروا ونَهج الطيب والإحسان
سياسة تِهدِف التَطوير.. وقَتل الزَيف واطماعه
تِداري خَاطِر المَكسور..وتِنهَر سطوةِ العِدوان
تِسابِقني لج الأشواق.. وشوقي..يِطلب إشباعه
ابي المس دِفا روحج وقَلبٍ.. بالحلا مليان
كويتي يا عَسى تِفداج سواري النور..و إشعاعه
مِن الأنوار مَخلوقه.. خريطة.. للوله..عنوان
أبفدي من سكن هالدار..ومنهو..حلوه..أطباعه
عَسى دربه فرح دايم.. وسعدن ما رآه إنسان
عروس البحر.. تِتمايل.. وتمسك بالغلا..ذراعه
وتمشي والقمر.. ينظر لمشية..شيخة الظبيان
تداري بالحيا فيضٍ.. تِناثر.. بينِ.. إيقاعه
وترمي العطر في خفه..على معزوفة الألحان
حسِنها.. شي لا يمكن.. عليها.. تَم.. إبداعه
رسمها.. لوحة ما تبلى..مرايا سحره الفتان
بَديعة..كِثرِ ما قِلنا.. أبيه.. تِلزَم.. الطاعه
على الإيمان مَفطومه.. عجيبة صَنعة الرحمن