كلن على طرقه يقّضي الليالي
منهو بهالدنيا من الهم مرتاح
محدن حبيبي من عنا الوقت خالي
ما غير يحصي في تباريح واجراح
يا دنيتي انته وكل ما بقالي
ودي الفني بك كما لف لوشاح
يا قلب حره عايشن في الخيالي
وعيون تبكي لين ما كحلها ساح
هذا نصيبي وبعض مما جرالي
بعض البشاير والعنا فيّ صداح
ينبي بأن الهم، ساكن قِبالي
يسقيني من روحه كما يسقي الراح
وانا على اثره نثرت ارتجالي
بعض الحروف اللي بها النزف فواح
مالي انا بالهوى اول وتالي
غير الحزن ولا انا وجه افراح
ما عاد لي خلي ولا هو صفالي
خذوه مني، وارتضى الغير وآشاح
الظاهر ان حظٍ بهالعمر مالي
حتى سواد العين يا حسرتي رااااح
والدهر قاضي بعد ماهو قضا لي
اعيش حبلى والأسى يطلق انوااح
يالله مشينا وانثني للعيالي
من قبل تنفض في الحشا محنة أرواح