يا جروحن ما شكتني واشتكى قلبي مصابه
بعد ما جابه شعورن في الحقيقة ماخذني
ما هقيت ان المآسي تسرق اقليبي شبابه
مير ان بعض المناظر يا خويي شيبتني
وانثرت فيني شظايا وانتثر قلبي خضابه
تملي اركان البسيطة من همومٍ ساكنتني
كيف ذي الارواح تنزف تكسر اقلام الكتابه
والكآبة شي لازم بعد ما هي حوطتني
عمر ذاوي والشوارع تحمل الوان الغرابه
والقصص يا هي كثيره والألم بي ذابحني
الرصاص اللي عرفته جارحٍ فينا جوابه
والسؤال ابلا سوابق ابتعد عنه وعني
كيف يبقى والغناوي اتلفت سِبّت ضبابه
والعنا حنا نعيشه في الحلوم اللي تِمني
نفسنا ونقول باكر ينتبه يرجع صوابه
بس بالظاهر ثَملنا،، ومادرينا ايش يعني؟!
ان غيرك يستبيحك والمطالب له مجابه
ينتهك عرضك ويهتك يا ترى نقدر نغني؟؟
يا قمم ياما سمعنا اجتماعات وخطابه
وما لقينا غير ظلمٍ،، غير بهتان او تجني
آه ليت القول ينفع والفعل نشكي غيابه
ودي بالآلآم احكي بس دمعي مانعني
صورةٍ يا هي قويه،، تهدر اركان الصلابه
لو لنا قلبٍ رحومٍ،، ما قضيناها تمني!!