بِكيتك، شي في ذاتي، تِحطم وإنتهى أمره
مَرايا عشق مَغدوره، سعرها يالوفي سعرك
بِكيتك، يوم يَحرقني، عَذاب العشق من جمره
وقلبي مهما جافيته، مرده يأتمر بأمرك
عصيبه دِنيت الجاني، إذا صابه سهم غَدره
ونَال إمن الشِقا ألوان، تِجرع شي من غدرك
ابي قلبك عذاب يعيش، ويلفظ مَكره بالمره
ابي المح بِعينك دم، واشوف الظيمِ في صَدرك
تِعايرني على ضَعفي وضعفي مِن أسى وحسره
ولفت فيني هالدنيا، وقلبي فاق مِن هجرك
خفوقي ما قِسا في يوم، ولكِن ثار مِن حره
وكِل هاللذي تشوفه، ثمار أفعالك وشرك
وربي لآخذ بثاري، وظلمك حيل أجتره
لأخلي دنيتك آهات، لآخر لحظة في عمرك
تِحمل كِل ما تلقاه، وذوق من الشقا مُره
هَدية حُب لك مني، ولا في شي مِن قدرك
تِشرب كِل حرماني، واهذي مِن شذى السكره
تِِعَلم كيف تتلوى، على نارك على جمرك
انا مو قصدي اتشفى، واتمادى على فكره
اهو بس كل مقصودي، بأني أمتحن صبرك