تِعدى ع الغُصون الطِيب وزَلزَل جِذعي المَجنون
خَنق إحساسي الجَارف وطِفل الحُب في صَدري
جِنايه ع الهوى في ليل غريبٍ بالوهم مسكون
وأنا أسري بلا جَدوى وأمسِك بِالعَنا ظَهري
أبدي ضِحكتي واحجِب دُموعي ما ابي يِدرون
بِأني حَيلِ مكسوره.. وأفضي بالألم.. جَهري
أمانة.. لا سألتوني وخَر الهم.. مني إمزون
أبد لا تِسألوا من وين؟ لفاني الهمِ مِن بدري
ولا تِتشفقوا الحالي.. ولا تِتألموا.. تِكفون
كِفاية بَكتم إجروحي وأعيش بضيقي وسري
أموت ويِسعد الجَاني تِرى يا كَيف بس وشلون؟
وأصبر نفسي واحزاني واهو عني ولا يدري
دُروبي بالمآسي اتغِص وتِتحاذف بِها لِظنون
ولا تِسعفني هالدنيا حملت الظيم مِن صِغري
عَصيه كلمة الفرقه بِجوف العاشق المطعون
واعصى لا نثرت الجرح حروفٍ نَثرها عِبري
كواني في بُروده لي يِشد او يِرتخي بِالهون
يِجمدني بِأعصابه.. واتحرق على جَمري
قَطفني قَبل ما أكبر ولا يبدا بِزهري لون
تِملكني بِقاموسٍ ضليعٍ.. باذخٍ سِحري
ودَس السمِ في نَزفٍ يلوثني بِعتم الكون
وروحي تِنثني بِينه وشطره موطني الحصري
تِجردت الحياة والطفل تِبدد في وهن لجفون
وذابت فيني إبذورٍ تِبعثر لي ورق عمري