إلى كل من سمع طيفي.. يناجي همهمات النور
ويروي قصة الأحباب على أعتاب حرماني
وينثر من بقايا الوجد.. عطورٍ طيبها منثور
ويرمي من حلى ذاته مرايا حسن رحماني
يكلمني وانا أسمع حكايا العاشق المغرور
يحكي ويا حلو حكيه عجيبه.. كيف حاكاني
أحس انّ الفرح ماليه ولكن قلبه المبتور
حكا القصه بعلقمها وحكاها القاصي والداني
يقوله: شفتها مره.. دانه.. في صحن بلور
وبلا إدراك انا مني لقيت احساسي ناداني
ينشد هذي الريمه ويطلب طرفها المسحور
وذاب بناعس النظره يومه طرفها اغواني
حسنها شي أذهلني ملامح من حنايا الحور
ربي.. أحمده.. ربي إذا من قربها اعطاني
عجيبه!! كيف هالدنيا؟؟ تغير حالنا بالفور
لقيت الدانه اللي لي تنهل من عشق ثاني
تحبينه وانا احبك.. وحبك في الحشا محفور
بلحظة كنتي الأحلام وصرتي منبع اشجاني
تصدني من هواها لين أمسى خاطري مكسور
واردتني نواظرها.. مثل ما حسنها ارداني
عجزت اني أغيرها.. واحطم بيننا هالسور
واصارحها بإحساسي واشاركها بألحاني
قدرنا مختلف يمكن قدر كلن عليه مجبور
ولكن ظلت الدانه!حلم صافي وأغواني
زوايا من مرايا الذات سكنها عشقي المغدور
وباقي ما بقى مني رسمته خادع اوجاني
كتبت اشواقي في دفتر هواها حرفه المسطور
وتوجته على عرشي بقايا طيش صبياني