حملت الدمع في كفي بحر من شوق مايرحم
ابي ارسم على قلبي ملامح عشق أنهاني
حكاية وقتها مغمور بليل اشواقها المظلم!
بكفة منبع الأشجان وكَفة منبعن ثاني
ولكن زادت ابكفهمرارة وقتي المعتم
تخلخل كل ما فيني هوى من بعدي ميزاني
وصارت كل كفه تموج على موج الأسى والهم
وترسي في مواني غير بِعالم مُر أضناني
تبلل كل إحساسي مطر عاشق مطر مغرم
وصارت لوحتي لِعبه تِبعثر مني ألواني
قرصت الوهم في ذاتي على بالي انا احلم
وكل هاللذي شفته مجرد وهم الهاني
عذابي اكبر من الوصف افضل اذبحه واكتم
ولا تشمت بي الأيام شماته تهدم اركاني
صعب اصبر على جرحي بلا ترياق أومرهم
وأداري دمعتي بضحكة واغير لون اوجاني
حُكم قاسي على قلبي يعيش بكون ما يفهم
أحاسيسه وأحلامه ولا معزوفة احزاني
ولكن كل قلبنعاش بدنيا مرةن مرغم
يسايرها على جرحه وينسى انها الجاني