صَعبة المَحبة لا احكمَتها الأماني
مِثل الهوى محكوم بالإتجاهات
بَعضه يعيش وبعضه اليوم فاني
واللي بقى منه مع الوقت اشتات
حبيت المه بس لا ما مِداني
يِسرع ويِبطي والعنا فيه ما مات
عايش بلا معنى تِمر الثواني
كنه ضِحية والهوى مِنه يقتات
جَربت ابدل قلبي اب قلب ثاني
ي عَلها اتفيدني بُعد المسافات
مرير عمري والأسى ما كفاني
والروح في غربه تعاليل وآهات
واضيع مني بينِ عشقٍ أناني
وبينِ حربٍ ضاريه بينِ،، أبيات
عامر خفوقي من جروحي يعاني
وجرح الحبايب غايرٍ حيل بالذات
واقول يا ربي عساني عساني
القى هنايا في حَدا ه المتاهات
هذا وانا يقسى عليا زماني
واشلون لو ساقني درب الملذات