عاطِل عن الإحساس والعذرَ ميال
قلبه على كبره يحب الركاده
ما يهتوي حُبٍ يعنيه بإذلال
وآخر جروحه ما برا من ضماده
ويعيد تشغيل الغلا مير بإهمال
ما يكترث الا يجيد،، الإعاده
الوقت قاضي مثلما قاضي البال
مشغول من كله،، وفكره زياده
يترنح ابكيفه على الروح،، يحتال
يعطي مواعيدٍ ويهمل، معاده
يمكن تجرع من عنا الوقت فنجال
وكل خَيالٍ ويكبي جواده
لا هو بأول منهو للهم شيال
ولا بأول من تلاشى،، مداده
كلٍ بهالدنيا لها يشكي الحال
ما عاش في ظلمه ولا شح زاده
غيره يعيش العمر وابكفه اغلال
ما كف نبضه عن هواه او وداده
لا اسودت ابعينه ولا هو بها مال
ولا عصا قلبه واعلن حداده
مابين ضيقه والهنا بعض أميال
لكن عيونه ما تشوف السعاده
منه يقرب يختفي مثلما اللال
ما غير يصفع في خدود الوساده