تَبي هَمي يِفارقني.. وهَمي ما تِشيله إجبال
ولو شَالته ما تِقدر.. تِواصِل في مِيادينه
أنا خِضت البَحر وإنته على شَط الهوى والجال
تَعالَ ذوق مِن بَعضه عَسى بَعضه يِشافينا
كِثر ما زَادت أقوالك وزَاد الهَرجِ والأمثال
تَرى دِنيانا يا هَذا.. محال إف يومِ تعفينا
مِقدَر والمِقدر دُوووم يِداري بَينه الأثقال
عَسى رَبي يِبيد الهم ومن شَره يِكافينا
خَلقنا رَبِنا حِكمة.. بِأرضَ الحِلِ والتِرحال
وكِل مِنا وله عمره قَبل خَلقه وتكوينه
بَعضنا يِرتضي حَظه ويَحبس ضِيقته في البال
ويِتصَبر ويِتحمل صِفات الطيب لِه زِينه
وبَعضٍ تِجذبه مِتعه ويِعشق هَزة الخِلخال
ويِرمي كِلِ شي لَجله وحَتى سِمعته ودينه
تَبي مِثله تِكون إنته.. تِفكر وازن المثقال
وشوف الحق والمنطق لأي إدروب يهدينا
تَبي الراحة تجي عندك تفضل عنها أموال؟
خِيارك صعب يا خلي وقَلبك ربي إيعينه
تِعوذ وإرضى بالمقسوم.. قصر هالعمر ولا طال
يِعدي مِثلما تعدي مراسي الشوق بالمينا