ليت قلبي من صخر لا يحن ولا يذوب

ليت قلبي من صخر لا يِحن ولا يذوب

ولا يدغدني شعوري لي شفوف الهاويه

لا يهمَنّي شروقه ولا يَهمنّي، غروب

ع الفراق اليوم كلي عن هواهم ناويه

يا قليبي لا تِرَخي هدنتك امست حروب

يكفي اني كم كبته كم حزوني طاويه

ما بقى فيني مكانٍ يحتمل منه ضروب

للعنا ما عدت اقوى للجنون امخاويه

آه يا عمرن يعاني والهوى فيه امغلوب

والجراح ابكل نوعٍ في ضلوعك حاويه

كم تجرعتك حسافة كم تجرعتك حبوب

ريتها تِسكّن ملامح من لهيبه ضاويه!

ولا فوايد من كلامي والرضا فيّ امعطوب

والألم ينهش حروفٍ... للمآسي، راويه

قلب ما بيده يغير من معالمها اللعوب

والوجوه اليوم امست فالأذى متساويه

ما اقول الا سلامي من بعد عذري وجوب

أحمل احلامي وأرحل قبل أهوي ذاويه

ما بقى للقول معنى ما بقى الا الهروب

يوم مالي بالأماني ولا دموعي قاويه

ليت قلبي من صخر لا يِحن ولا يذوب

ولا يدغدني شعوري لي شفوف الهاويه

لا يهمَنّي شروقه ولا يَهمنّي، غروب

ع الفراق اليوم كلي عن هواهم ناويه