ياواد يا لولو يا بن ام لولو
اسمع يا شاطر اللي هقوله
الدنيا فانية وف ظرف ثانية
بابا.. اللي طال غيره يطوله
شايفك ليلاتي هباش فلاتي
لا انت هلالي ولا ابوك زناتي
لايمها حبة وارحمنا حبة
الناس حالتها بتسوء يوماتي
في كل نيلة محشور بحيلة
دخان وتوشكا وبتاع بليلة
واكمن ماما سايباك يا لولو
تندار علينا خيبتك تقيلة
الباشا جدو.. كان يوم ما يدوا
يدوه بريزة.. ويقول يا سعده
والكوبيا عنده كان زي ولده
مزروع في جيبه ولا حد قده
يعني العبارة طبقين بصارة
من غير تقالي والشاي عكارة
والجزمة ازمة ومالهش لازمة
نقرا الدفاتر ارخي الستارة
يعني يا لولو لا ميراث سابوله
ولا ماما كانت باباها صولو
من أين هذا؟. وازاي.؟ وماذا؟
إيه الإجابه لو يسألولو؟
ياواد يا لولو يا بن ام لولو
اسمع يا شاطر اللي هقوله
الدنيا فانية وف ظرف ثانية
بابا.. اللي طال غيره يطوله