طوفان غضب
على كل طفل بينضرب
على كل ضي بينطفي
على كل شمس بتنحجب
على كل قلب بيتغصب
طوفان غضب
مالي البلاد
والأرض غطاها السواد
والدم نازف في البلاد
لكنه لازم ينسحب
لكن صمود عالي ورهيب
يحكى ويسمع ينكتب
أرواح وخالصه من دهب
عايشة ف زمن شافوا العجب
مكتوب على جبين الزمن
الأقصى حر ما يغتصب
طوفان غضب
شق السما غطى السحاب
ووجوه وماليها الضباب
وشباب ودايسة على الصعاب
ميهمهاش روحهم تهون
والعزة دا طريق يرسموه
ويردوا بيه ع المغتصب
يا وحدة نادي على العرب
ضمي الإيدين شدي الهمم
ورددي يلا النشيد
الأقصى حر ما يغتصب
الأقصى حر ما يغتصب