اصحي ورتل يا قلم
احكيلنا مين اللي إتظلم
ما تخافشي من كتر الألم
الموجعين في الدنيا دي
نبت الوفاء اللي انعدم
اصحي ورتل يا قلم
والصحوة دي بوح الكلام
اللي انكتم
شمس الأصل ميهمها
تشرق... تغيب.. لكن دفاها بيترسم
خضرة ولو تقطفها يوم
لكن دي نابته من عدم
يحيها ربي بقوته
وبزهرها تبني زمان اللي اتهدم
صحوة قلم هزت قلوب
رسمت طريق رفعت علم
نشرت علوم وبتحترم
جمعت شعوب خاضت حروب
تبني تحرر تنخدم
من مهدها كل الهمم
سحر الظلام الي انقسم
كتر الملام اللي انحسم
صوت الغلام
كلمة سلام
عزم الهمام
اللي ما أبدا ينهزم
هى دي صحوة قلم