الشمس تلمع فوق جبين الضي
تبدر خطاوي مخضره ف المي
ترسم قلوب مليانه خير مالو زي
موصوف شفا لقلب كل صبي
تعلا الغناوي في حضور الناي
وبين حنايا القلب متخبي
على دندنات الخطاوي
عرفت أنا دربي
وجنب منك في سري
مشيت أنا أحبي
خوفي تشوفني العيون
تسألني ايه صابني
صابني الغرام بالمعاني
إياك تعاتبي
لما جاورت المعاجم
وشربت من نيلها
همستلي بالأسرار
وعرفت تفاصيلها
أهديتني أحلى كلام
ووقعت ف غرامها
موصول بنبض حروف
والذنب مش ذنبي
الجاني لو يصبر
ميكونش فيه مجني
الضمة لو تسكن تلملم الأشلاء
والاسم لو موصول
متعيشي يوم في فراق
ودا يبقى نبع الصفا
في حضرة المشتاق
هو دليل حبي
هو دليل حبي