حوشت الحلو ف حصاله
وكتبت عليها خزين قلبي
قالوا عني
هب له وهواله
القلب كمان دا بقاله خزين
رديت أنا قولت
حنان القلب مع أمانه
وسنين العمر وأيامه
مآسيه مع فرحه وأشجانه
ودموعه ف ضحكه وأحزانه
وحاجات تانين
تبقى دي خزين
شمس نهاري مع أحلامه
موصوله بصمتي وكلامه
وحديث الليل ويا القمرة
ونجومه الدايبه ف قلبي حنين
ورموش عينه هايمين ناعسين
تبقى دي خزين
مش كل خزينا بيتاكل
فيه خزين ف القلب بقاله سنين
وعشانه نكمل بأرواحنا
لسنين جايين
نشرب من شهد الحب كاسات
وندوب في عطوره بشوق وحنين
عرفتوا خزين القلب دا ايه
وازاي بتعين ف القلب خزين