عايزة أقولك حاجه حلوة
إن لك ف القلب
عندي ألف غنوة
غنوة تحكي عن حنانك
غنوة تحكي عن أمانك
غنوة تحكي عن جنانك
غنوة تحكي عن خصامك
حتى وأنت بتخاصمني
بزرع أنا وافرش جنانك
ألف خلوة
واحضن الذكرى الجميلة
واحكي ليها حكاوي حلوة
واعزف الألحان لأجلك
كل لحن بألف غنوة
كل غنوة لحنها
يشفي العليل
يمحي كلمة مستحيل
وامشي وياك سكتك
لو راح أمشي ألف ميل
بس أقولك...
نفسي اسمع كل حاجة
قولي ما تخبيش عليا
اصل حبك شيء زيادة
عمر ما خبيته فيا
انت فاكر.. ذكرى حلوة
ذكرى فيها ألف غنوة
لما كنا زمان ندندن
والمشاعره ساكنه جوه
احكي ما تخبيش عليا
اصل صوتك لما يحكي
زي ما يكون صوت بلابل
وانت عيدان السنابل
اللي في الأرض الجميلة
مده مدة بجذورها الأصيلة
وف سمانا رافعة راسها