يعني أيه
بلدنا مصر
يعني جندي ف قلبه نسر
يعني طفل بقلب شاب
يعدي ليها ألف جسر
يعني بنت بنبض طارحه
شايله جوه القلب فرحه
عايشة طلة عينها سحر
يعني أيه بلدنا مصر
يعني أم بعينها تحرس
حضن بيضلل ويحمي
زارعة جوه الحضن جنه
تروي فيها بتمر حنه
نابته كل ما فيها جبر
يعني أيه بلدنا مصر
يعني أب بحب سارح
نجم بيزين ملامح
يصحن الأوجاع وينشر
عطر جوه القلب شارح
ومهما بيشوف من آلامه
بس هيبه بجدر شامخ
عمره ما ف يوم ينكسر
من حنانه عروق تمد
قلب بين شطين وبحر
ضمه بتلملم حبايب
عمره يوم ما بيحكي سر
يعني أيه بلدنا مصر
يعني عيلة
رحلة م العمر الطويلة
ريحة العرق الأصيلة
ضله بتضلل وتهدي
دمها أطهر فصيلة
هي دي مصر الأصيلة
هي دي مصر الأصيلة